काठमाडौँ । टी–२० विश्वकप अन्तर्गत पहिलो सेमिफाइनलमा दक्षिण अफ्रिका र अफगानिस्तानबीच प्रतिस्पर्धा भइरहेको छ । अफगानिस्तानले दक्षिण अफ्रिकालाई ५७ रनको लक्ष्य दिएको छ ।
टस जितेर ब्याटिङ थालेको अफगानिस्तान ११.५ ओभरमा ५६ रनमै अलआउट भयो । उसका लागि अजमुतल्लाह ओमारजाईले १० रन जोड्दा अन्य कुनैपनि ब्याट्सम्यानले दोहोरो अंकमा रन बनाउन सकेनन् ।
दक्षिण अफ्रिकाका बलरसामु अफगानिस्तान निरिह बन्यो । मार्को यानसन र तबरिज शम्सीले ३–३ विकेट लिए भने कागिसो रबाडा र एन्रिच नोर्ख्याले २–२ विकेट लिए ।
