काभा महिला भलिबल नेसन्स लिगको उपाधिका लागि नेपाल र भारतबीचको भिडन्त शुरू भएको छ ।
त्रिपुरेश्वरस्थित दशरथ रंगशालाको कभर्ड हलमा बुधवार साँझ ५ बजे फाइनल खेल शुरू भएको हो ।
दक्षिण एसियाली स्तरका धेरै खेलमध्ये भलिबलमा पनि नेपालको मुख्य प्रतिस्पर्धी भारत रहँदै आएको छ ।
अहिलेसम्म नेपालले महिला भलिबलमा एकपटक मात्र भारतलाई हराएको छ । शनिवार लिग चरणको खेलमा नेपालले भारतलाई हराएको थियो ।
मंगलवार सेमिफाइनलमा इरानलाई पराजित गर्दै नेपाल फाइनलमा प्रवेश गरेको थियो । भारत मंगलवार नै श्रीलंकालाई हराएर फाइनलमा पुगेको हो ।
सन् २०१९ को दक्षिण एसियाली खेलकुद र सन् २०२३ को काभा वुमन्स च्यालेन्ज कपमा नेपालले घरेलु मैदानमा भारतसँग हारका कारण उपाधि गुमाएको थियो ।
