बलिउड अभिनेत्री परिणिती चोपडा र आम आदमी पार्टीका राज्यसभा सांसद राघव चड्डाको आइतबार विवाह सम्पन्न भएको छ ।
परिणितीले विवाहको भोलिपल्ट अर्थात् सोमबार आफ्नो आधिकारिक इन्स्टाग्राम अकाउन्टमा विवाहका तस्बिर साझा गरेकी छिन् ,
उनले आफ्नो विवाहका सात वटा तस्बिर साझा गर्दै लेखेकी छिन्, ‘ब्रेकफास्ट टेबलमा हामीबिचको त्यो पहिलो कुराकानीमै हामीले थाहा पाइसकेका थियौँ । यो दिनका लागि लामो समय कुर्यौँ ।
अन्ततः श्रीमान् श्रीमती हुन पाउँदा अत्यन्त हर्षित छौँ । हामी एक अर्का बिना बाँच्नै सक्दैनथ्यौँ । हामी सदाका लागि एक अर्काको भएका छौँ र यो हाम्रो सुरुवात हो । ’
परिणितीको यो पोस्टमा थुप्रैले बधाई तथा शुभकामना दिएका छन् । यसमा प्रियङ्का चोपडाले लेखेकी छिन्, ‘मेरो आशीर्वाद सधैँ तिमीलाई ।’
