साफ यु-१९ फुटबल च्याम्पियनसिप अन्तर्गत माल्दिभ्सविरूद्धको खेलमा नेपालले अग्रता लिएको छ।
सोमबार दिउँसो काठमाडौंस्थित दशरथ रंगशालामा नेपाल र माल्दिभ्सबीच खेल भइरहेको हो। नेपालले पहिलो हाफमा दुई गोल गरेको छ। नेपालका लागि १८औं मिनेटमा प्रशान्त लकसम र ३०औं मिनेटमा समिर तामाङले गोल गरेका हुन्।
गत बिहीबारदेखि सुरू भएको खेल असोज १३ गतेसम्म हुनेछ। पहिलो खेल नेपालले पाकिस्तानसँग खेलेको थियो। जसमा नेपाल १ गोलले पराजीत भएको थियो।
प्रतियोगिताको समूह ‘ए’ मा नेपाल, माल्दिभ्स र पाकिस्तान छन्। अर्को समूहमा भारत, भुटान र बंगलादेश छन्। प्रतियोगिताको सुरूआती दुई संस्करण नेपालले जितेको थियो।
गत वर्ष भारतमा भएको च्याम्पियनसिपमा भने घरेलु टिम च्याम्पियन बनेको थियो।
