सुर्खेत । वीरेन्द्रनगरमा एक जना पुरुष मृत अवस्थामा फेला परेका छन् । बारा जिल्ला घर भई हाल वीरेन्द्रनगर–९ लाटीकोइली स्थित दैलेखी टोल बस्ने अन्दाजी ३२ वर्षीय अनिल पटेल मृत अवस्थामा फेला परेका हुन् ।
मंगलबार ११ बजे पटेल आफू सुतेको घरमा घाँटी रेटिएको अवस्थामा मृत फेला परेका जिल्ला प्रहरी कार्यालय सुर्खेतका प्रहरी प्रमुख रुपेश खड्काले रातोपाटीलाई जानकारी दिए । उनको हत्या गरिएको आशङ्का प्रहरीले गरेको छ ।
घाँटीमा गहिरो चोट लागेको र घटनास्थलमा रगत लागेको चुलेसी समेत फेला परेकाले हत्या भएको प्रहरीको भनाई छ । घटनाबारे थप अनुसन्धान भइरहेको प्रमुख खड्काले बताए ।
