काठमाडौँ । प्रधानमन्त्री पुष्पकमल दाहाल ‘प्रचण्ड’ले आफूलाई केपी शर्मा ओलीले ‘धोकेवाज’को आरोप लगाउन मिल्ने बताएका छन् । बुधबार प्रतिनिधिसभामा विश्वासको मत सम्बन्धी प्रस्ताव पेस गर्ने क्रममा प्रधानमन्त्री प्रचण्डले यस्तो तर्क गरेका हुन् । उनले भने, ‘धोकाको आरोप त मलाई केपी ओलीजीले लगाउन मिल्छ, एउटाले प्रधानमन्त्री बनाउने अनि छोडेर अर्कोसँग गठबन्धन गर्ने !’
कांग्रेसले आफूलाई धोकेवाज भनेको प्रतिवादस्वरुप प्रचण्डले यस्तो तर्क गरेका हुन् । उनले कोशीको मुख्यमन्त्रीमा एउटा समझदारी गर्ने अनि अर्कैलाई मुख्यमन्त्री बनाउने काम धोका हो कि होइन भनेर प्रश्नसमेत गरे ।
