काठमाडौं । आज जेष्ठ शुक्ल दशमी अर्थात् गंगा दशहरा पर्व । गंगा पृथ्वीमा अवतरण भएको दिनको रूपमा यसको महत्त्व छ।
भगीरथले अनेकौँ प्रयास गरी यही दिन गंगालाई पृथ्वीमा ल्याएको पुराणमा उल्लेख छ। १० प्रकारका पाप नाश हुने विश्वासमा नदी पवित्र तलाउ तथा तीर्थस्थलमा स्नान गरी तर्पण गरेर यो पर्व मनाइन्छ।
दशहरा ज्येष्ठ शुक्ल प्रतिपदामा शुरु भई दशमीमा पूरा हुन्छ । यसमध्ये दशमीको विशेष महत्त्व रहेको बताइन्छ। सके दशैदिन स्नान गर्ने नसके दशमीका दिन स्नान गर्ने विधान छ। यस दिनको दान तथा उपवासको विशेष महत्त्व छ।
यस्तै धनगढी उपमहानगरपालिकामा रहेको प्रसिद्ध धार्मिक स्थल श्री बेहडा बाबा मन्दिरमा पनि गंगा दशहरा मेला लाग्दैछ । सो अवसरमा धनगढी उपमहानगरले नगरभित्र सार्वजनिक विदा दिएको छ ।
