काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेको रिहाइको माग गर्दै रास्वपाका नेता कार्यकर्ताहरुले आज पनि विरोध प्रदर्शन गरेका छन् ।
आइतबार दिउँसो काठमाडौंको माइतीघरमा रास्वपाका नेता कार्यकर्ता र लामिछानेका समर्थकहरूले प्रदर्शन गरेका हुन्।
नेता कार्यकर्ताले ‘राजनीतिक प्रतिशोध बन्द गर, रवि दाइलाई रिहा गर’ लगायतका माग राखेर माइतीघरमा प्रदर्शन गरिरहेका छन् ।
सहकारी ठगी आरोपमा पक्राउ परेका लामिछानेलाई पोखराबाट काठमाडौं ल्याउने तयारी हुँदा रास्वपाका नेता कार्यकर्ताले विरोध गरिरहेका छन् ।
‘रवि दाइलाई न्याय दे’ प्लाकार्ड बोकेर उनीहरुले विरोध गरिरहेका छन् ।
सहकारी ठगी, संगठित अपराध र सम्पत्ति शुद्धीकरणको कसुरमा पक्राउ परेका लामिछानेको सरकारी वकिल कार्यालय काठमाडौंमा आइतबार पनि बयान भएको छ।
उनीमाथि कालिमाटीको स्वर्णलक्ष्मी सहकारीको बचत रकम अपचलन गरेको अभियोग छ।
