काठमाडौं । रुकुम पूर्वको पुथा उत्तरगंगा गाउँपालिकाको उपाध्यक्षमा नेकपा माओवादी केन्द्रकी नरपुरा बुढा निर्वाचित भएकी छन् ।
कांग्रेस एमाले गठबन्धनलाई १ हजार ४९७ मतान्तरले पराजित गर्दै बुढाले जित निकालेकी हुन् । उनले सत्ता गठबन्धनकी केशकुमारी तुलाचनलाई हराएकी हुन् । बुढाले ३६२७ मत ल्याउँदा एमालेकी तुलाचनले २१२८ मत पाइन् ।
पुथा उत्तरगंगामा माओवादीको गढ मानिन्छ । त्यहाँ एमालेको चुनाव चिन्हबाट कांग्रेसले तुलाचनलाई उम्मेदवार बनाएको थियो ।
