काठमाडौ । सशस्त्र प्रहरी बल नेपाल (एपीएफ) मा १ हजार १ सय ७९ जनाका लागि जागिर खुलेकाे छ ।
सशस्त्र प्रहरी निरीक्षक, सशस्त्र प्रहरी सहायक निरीक्षक, सशस्त्र प्रहरी जवान र परिचर पदमा नयाँ भर्ना खोलिएको सशस्त्र प्रहरी बलले शुक्रबार सूचनामार्फत जानकारी दिएकाे छ ।
सशस्त्र प्रहरी निरीक्षक पदमा खुला ३६ सहित ६८ जना, सहायक निरीक्षक पदमा खुला ४५ सहित ८३ जना, सशस्त्र प्रहरी जवान पदमा खुला ५०७ सहित ९४१ र परिचर पदमा खुला ४७ सहित ८७ जनाका लागि भर्ना खुलेको हो ।
दरखास्त दिने म्याद पुस २४ गतेदेखि माघ २४ गतेसम्म छ । अनलाइनमार्फत दरखास्त फारम बुझाउन सकिनेछ । दोब्बर दस्तुर तिरेर माघ २८ गतेसम्म फारम बुझाउन सकिने सशस्त्रले जनाएकाे छ ।
