तेह्रथुम जिल्ला छथर गाउँपालिका वडा न. ६ सुदापमा बुवा गोविन्द बहादुर कटुवाल सहित तीन जना छोरी पनि शिक्षक पेशामा रमाइरहेका छन् ।
बुवा शिक्षक भएका कारण बुवाबाटै प्रभावित भएर आफूहरू तीनैजना शिक्षक बनेका बताउँछन् ।
जेठी छोरी रचना कटुवालले नेपालीबाट, माइली छोरी लक्ष्मी कटुवालले गणितबाट र कान्छी छोरी इन्दिरा कटुवालले अङ्ग्रेजीबाट स्नातकोत्तर हुन् ।
शिक्षक सेवा आयोगको परीक्षा उत्तीर्ण गरेर तीनै जना छोरी छथर गाउँपालिका अन्तर्गत रहेका विद्यालयमा स्थायी शिक्षक बनेर शिक्षण गरिरहेका छन् । – शिक्षाबाट
