एजेन्सी । पाकिस्तानमा बलुच लिबरेशन आर्मी (बीएलए) ले मंगलबार गरेको रेल अपहरणको क्रममा २० पाकिस्तानी सैनिकको हत्या गरेको छ भने १८२ यात्रुलाई बन्धक बनाएको छ ।
४५० जना यात्रु रहेको जनाइएको जाफर एक्सप्रेसमा दिउँसो १ बजेतिर हमला गरिएको थियो । रेल क्वेटाबाट पेशावर जाँदै थियो ।
यो घटना क्वेटा देखि पेशावरको मार्गमा बलुचिस्तानको बोलान जिल्लाको माशकाफ क्षेत्रमा भएको हो। ६ घण्टा पछि साँझ ७:३० बजेसम्म पनि जाफर एक्सप्रेस पूर्ण रूपमा बीएलएका लडाकूहरूको नियन्त्रणमा रहेको छ।
बीएलएले बोलानको माशकाफमा गुडालार र पीरू कुनरीको बीचमा यो हमला गरेको हो। यो एक पहाडी इलाका हो, जहाँ १७ वटा सुरुङहरू छन् । यिनै कारणले रेल ढिलो गतिमा चलाउनुपर्छ। यसको फाइदा उठाउँदै बीएलएले रेलमा आक्रमण गरेको हो ।
