काठमाडौं, १९ भदौ । नेकपा (एमाले) का प्रभावशाली नेता तथा पूर्वमन्त्री गोकुलप्रसाद बाँस्कोटाले सरकारले सामाजिक सञ्जाल बन्द गर्ने भनेर गरेको निर्णयको विरोध गरेका छन् ।
आफूले नियमनको प्रविधिको प्रवन्ध मिलाउने र कानून बनाउने भनेको पनि स्मरण गराएका छन् ।
तर, सरकारले नर्थ कोरिया (उत्तर कोरिया) बनाउने भएछ भनेर आलोचना गरेका छन् । उनले विकृतिको अन्त्य गर्न सूचनामा बिर्को लगाउने होइन भनेका छन् ।
यसअघि नेपाली कांग्रेसका महामन्त्री गगन थापाले पनि सरकार उल्टो बाटोमा हिँडेको भनेर आलोचना गरेका छन् । थापाले तत्काल सोसल मिडिया बन्द गर्ने निर्णयमा पूनर्विचार गर्न भनेका छन् ।
सरकारले आज राति १२ बजेबाट लागु हुनेगरि दर्ता हुन नआएका सोसल मिडिया बन्द गर्ने निर्णय गरेको छ ।
