काठमाडौं । काठमाडौं महानगरपालिकाका मेयर बालेन्द्र साहले जेनजीले भोलि काठमाडौंमा गर्ने भनेको आन्दोलनप्रति समर्थन जनाएका छन् । उमेर हदका कारण आन्दोलनमा आफू प्रत्यक्ष सहभागी हुन भने नसक्ने उनको भनाइ छ ।
फेसबुकमा स्टाटस लेख्दै बालेनले भोलिको र्याली स्वतस्फूर्त भएकाले कुनै पार्टीका नेता, कार्यकर्ता, सांसद अभियन्तालाई बाटो बनेर आफ्नो स्वार्थ पूरा नगर्न चेतावनीसमेत दिएका छन् ।
उनले लेखेका छन्, ‘भोलिको र्याली स्पष्ट स्वस्फूर्तरूपमा जेन जेडको हो र उहाँहरू भनेको २८ वर्ष मुनि हुनुहुन्छ, जस्कोलागि म पनि बुडो देखिन्छु । मलाइ पनि उहाँहरूको इच्छा, उद्देश्य, सोच बुझ्न मन छ । भोलि यो स्वतफुर्त र्यालीमा कुनै पार्टी, नेता, कार्यकर्ता, सांसद, अभियन्ताहरू आफ्नो स्वार्थ पूरा गर्न बाठो नबन्नु होला । म उमेर हदबन्दीको कारण जान मिल्दैन, तर उहाँहरूको कुरा बुझ्नु जरुरी छ, मेरो भरपुर समर्थन छ ।’
मेयर बालेन भन्छन् –
भोलीको र्याली स्पष्ट स्वस्फूर्तरुपमा Gen Z को हो , उहाँहरू भनेको २८ वर्ष मुनि हुनुहुन्छ , जस्कोलागि म पनि अझै बुडो देखिन्छु ।
मलाइ पनि उहाँहरूको इच्छा , उद्देश्य , सोच बुझ्नु मन छ ।
भोलि यो स्वतफुर्त र्यालीमा कुनै पार्टी , नेता , कार्यकर्ता , सांसद , अभियन्ताहरू आफ्नो स्वार्थ पूरा गर्न बाठो नबन्नु होला । म उमेर हदबन्दीको कारण जान मिल्दैन, तर उहाँहरूको कुरा बुझ्नु जरुरी छ , मेरो भरपुर समर्थन छ ।
प्रिय Gen z भन्नुस् तपाईँ हरुले कस्तो देश देख्न चाहनु हुन्छ ?
