प्युठान । प्युठानमा १० वर्षीया बालिकालाई जबरजस्ती करणी गरेको अभियोगमा एक युवक पक्राउ परेका छन्। पक्राउ पर्नेमा स्वर्गद्वारी नगरपालिका–९ जुकेना बस्ने २१ वर्षीय दुर्ग बहादुर घर्ती मगर रहेका छन्। उनलाई बुधबार दिउँसो प्रहरीले नियन्त्रणमा लिएको हो।
मगरले ती बालिकालाई जबरजस्ती करणी गरेको भन्दै प्रहरीमा उजुरी परेको थियो। सोही उजुरीका आधारमा अस्थायी प्रहरी पोष्ट लामाचौरबाट खटिएको प्रहरी टोलीले उनलाई पक्राउ गरेको हो।
घर्ती मगरमाथि लागेको अभियोगका सम्बन्धमा प्रहरीले थप आवश्यक अनुसन्धान अगाडि बढाएको छ।
