धादिङको गजुरी–५ स्थित जंगलमा आइतबार बिहान प्लास्टिकमा प्याक गरी फालिएको अवस्थामा एक नवजात शिशु फेला परेको छ।
स्थानीयले देखेपछि प्रहरीलाई खबर गरेका थिए। इलाका प्रहरी कार्यालय गजुरीको टोलीले शिशुको सकुशल उद्धार गरी उपचारका लागि अस्पताल लगेको जनाएको छ।
एक दिनअघि जन्मिएको जस्तो देखिने शिशु छोरीको स्वास्थ्य अवस्था सामान्य रहेको छ। घटनाबारे प्रहरीले अनुसन्धान सुरु गरेको छ।
