काठमाडौँ । सिरहा प्रहरीले जेनजी आन्दोलनका क्रममा केन्द्रीय कारागार काठमाडौँबाट फरार एक कैदीलाई पक्राउ गरेको छ ।
सोमबार जिल्ला प्रहरी कार्यालय सिरहा र प्रहरी चौकी कर्जन्हाबाट खटिएको प्रहरीको संयुक्त टोलीले कर्जन्हा नगरपालिका ७ मरेरवा बस्ने ३८ वर्षीय अंजनी कुशवाहालाई पक्राउ गरेको हो ।
कुशवाहा भदौ २४ गते केन्द्रीय कारागारबाट फरार भएका थिए । उनलाई घरमै लुकिछिपी बसिरहेको अवस्थामा पक्राउ गरिएको प्रहरीले जनाएको छ ।
पक्राउ परेका कुशवाहालाई सम्बन्धित कारागारमा बुझाउने पहल भइरहेको प्रहरीले जनाएको छ ।
