काठमाडौं । देशका विभिन्न स्थानमा चार जना मृत अवस्थामा फेला परेका छन् ।
काठमाडौंको तारकेश्वर नगरपालिका–६ धर्मस्थलीमा बस्ने, सिन्धुपाल्चोक घर भएका ६० वर्षीय खिका बहादुर अधिकारी आफ्नै कोठामा सोमबार मृत अवस्थामा फेला परेका छन् ।
रूकुम पश्चिमको मुसिकोट नगरपालिका–१३ छिवाङस्थित सानिभेरी नदीमा बाफिकोट गाउँपालिका–३ गरालागोठ बस्ने पूर्ण बहादुर वलीकी १३ वर्षीया छोरी सपना वली पनि आइतबार मृत अवस्थामा फेला परेकी छिन् ।
इलामको सूर्योदय नगरपालिका–४ सल्लेरीमा बस्ने, पाँचथर घर भएका ३४ वर्षीय मिलन गोले तामाङ सोही स्थानको नालीमा आइतबार मृत अवस्थामा फेला परेका छन् ।
मोरङको सुन्दरहरैचा नगरपालिका–२ हिमालचोकमा बस्ने ३६ वर्षीय अनिल अधिकारी सोही स्थानको नालामा सोमबार मृत अवस्थामा फेला परेका छन् ।
घटनाबारे आवश्यक अनुसन्धान भइरहेको नेपाल प्रहरीको केन्द्रीय समाचार कक्षले सोमबार जनाएको छ ।
