काठमाडौँ । दोलखाको गौरीशंकर गाउँपालिकाको उपाध्यक्षको मतगणना जारी रहेको छ । आइतबार भएको स्थानीय तह उपनिर्वाचन अन्तर्गत गौरीशंकर गाउँपालिकाको उपाध्यक्षका लागि भएको मतदानको मतगणना जारी छ ।
गाउँपालिकाको वडा नम्बर १,२,३,४,५ र ६ को मत गणना भएको निर्वाचन अधिकृतको कार्यालयले जनाएको छ । जारी मतगणनामा नेकपा माओवादी केन्द्रका उम्मेदवारलाई नेकपा एमालेका उम्मेदवारले पछाडि पारेका छन् । यसअघि माओवादी केन्द्रका उम्मेदवार अगाडि रहेका थिए ।
एमालेले १९६९ मत ल्याएको छ । यस्तै माओवादी केन्द्रले १९११ मत पाउँदा नेपाली कांग्रेसले १२७८ मत पाएको छ ।
