काठमाडौंँ । अभिनेत्री तथा मोडल रुविना थापा आमा बनेकी छन् । उनले बिहीबार थापाथलीस्थित नर्भिक अस्पतालमा पहिलो सन्तानको रुपमा छोरीलाई जन्म दिएकी हुन् ।
छोरीलाई काखमा लिएको एक तस्वीर सामाजिक सञ्जालमा शेयर गर्दै उनले यो खुसीसबै माझ साटेकी छन् । उनले छोरीको नाम ‘जून’ राखेको पनि जनाएकी छन् ।
फिल्ममा डेब्यु गर्नुभन्दा अगाडि नै विक्रान्त श्रेष्ठसँग विवाह बन्धनमा बाँधिएकी उनले ३ वर्षयता फिल्ममा काम गरेकी छैनन् ।
उनले अभिनय गरेको पछिल्लो फिल्म ‘म’ सन् २०२२ मा रिलिज भएको थियो । उनी फिल्म ‘डाँडाको वर पीपल’मा अभिनेता सलोन बस्नेतको जोडी भएर काम गरेकी थिइन् ।
