धादिङ । धादिङको गल्छी गाउँपालिकामा २६ वर्षीया महिलालाई जबरजस्ती करणी गरेको अभियोगमा एक युवक पक्राउ परेका छन्। गल्छी गाउँपालिका–१ बस्ने २४ वर्षीय विशाल खतिवडालाई मंगलबार दिउँसो प्रहरीले नियन्त्रणमा लिएको हो।
विशालले ती महिलालाई जबरजस्ती करणी गरेको भन्दै प्रहरीमा उजुरी परेपछि इलाका प्रहरी कार्यालय गजुरीबाट खटिएको टोलीले उनलाई पक्राउ गरेको हो। पीडितको उजुरीका आधारमा प्रहरीले तत्कालै कारबाही अघि बढाउँदै आरोपीलाई समातेको जानकारी दिएको छ।
पक्राउ परेका खतिवडामाथि जबरजस्ती करणीको मुद्दामा आवश्यक कानूनी प्रक्रिया सुरु गरिएको छ। घटनाको सम्बन्धमा थप तथ्य बुझ्न र प्रमाण संकलनका लागि प्रहरीले थप अनुसन्धान अगाडि बढाइरहेको छ।
