काठमाडौ । उपचारका निम्ति काठमाडौं आएका एक पुरुष बेपत्ता भएका छन् । क्यान्सर पीडित गोरखाका ४५ वर्षीय तेजबहादुर दुवाडी एकाएक हराएका हुन् ।
केही दिनअघि काठमाडौं आएका उनको भक्तपुरको दुधपाटीस्थित क्यान्सर अस्पतालमा उपचार भइरहेको थियो । छोरा पुजनसँगै कोटेश्वर तीनकुनेस्थित डेरामा बस्ने गरेका तेजबहादुर हिजोदेखि बेपत्ता भएको बताइन्छ ।
छोरा पुजनका अनुसार उनी हिजो बिहान अरुलाई जानकारी नगराई घरबाट निस्किएका पितालाई दिनभर खोजी गर्दा पनि भेट्न नसकिएको हो । राति तीनकुनेस्थित प्रहरी चौकीमा निवेदन दर्ता गराइएको उनले भने ।
तर, अहिलेसम्म केही पत्ता नलागेकाले पुजनले आफ्नो बुबालाई देखेमा नजिकैको प्रहरी चौकी वा ९८२४१९१०११ मा सम्पर्कका लागि अनुरोध गरेका छन् ।
