काठमाडौं । काठमाडौंको मुलपानी पुलमा ट्यांकरको ठक्करबाट बागमती प्रदेश–०२–०४३ प २७२६ नम्बरको स्कुटर पछाडि सवार महिलाको ज्यान गएको छ।
मंगलबार कागेश्वरी मनोहरा नगरपालिका–७ स्थित पुलमा दुर्घटना हुँदा ४६ वर्षीय रोशना दुवालको मृत्यु भएको प्रहरीले जनाएको छ।
मुलपानीबाट दुवाकोटतर्फ जाँदै गरेको बा.३ ख ३९५४ नम्बरको ट्यांकरले ठक्कर दिँदा घाइते भएकी रोशनाको उपचारको क्रममा ज्यान गएको हो।
स्कुटर चालक २३ वर्षीया निलिसा दुवाल घाइते भएकी छन्। प्रहरीले ट्यांकर चालक नुवाकोटको दुप्चेश्वर घर भएका २३ वर्षीय महाबिर तामाङलाई नियन्त्रणमा लिएको छ।
