काठमाडौ । चोरीमा सक्रिय युवा-युवतीलाई प्रहरीले कीर्तिपुरबाट नियन्त्रणमा लिएको छ।
नियन्त्रणमा लिइएकाहरुमा काभ्रेपलान्चोक, चौंरीदेउराली-८ घर भई हाल कीर्तिपुर-४ बस्ने २६ वर्षका भुवन प्रधान र रामेछाप, मन्थली-८ घर भई हाल कीर्तिपुर-४ बस्ने १९ वर्षकी सुनिता बस्याल रहेकी छन्।
के हो घटना ?
फागुन ३ गते दिउँसो करिब ४:४५ बजे चम्पादेवी बसपार्क नजिकैको एक घरमा चो#री भएको थियो। घर फोरेर उनीहरु ‘धुम’ शैलीमा मोटरसाइकलमा भागेका थिए।
घटना लगत्तै प्रहरी अनुसन्धानमा जुटेकोमा उनीहरुलाई फागुन ४ गते नियन्त्रणमा लिन सफल भयो। प्रहरीले उनीहरूको साथबाट नगद १ लाख ४८ हजार ४ सय ४९ रूपैयाँ, सुन तथा चाँदीका विभिन्न गरगहना, मोटरसाइकल १ थान र मोबाइल ३ थान बरामद गरेको छ ।
