नवलपरासी । रवि लामिछाने नेतृत्वको राष्ट्रिय स्वतन्त्र पार्टी (रास्वपा) का नेता–कार्यकर्ताले धमाधम पार्टी परित्याग गरिरहँदा एक वडा सभापतिले पनि राजीनामा दिएका छन् ।
पश्चिम नवलपरासीको बर्दघाट नगरपालिका–१३ का सभापति जितबहादुर हरिजनले पार्टी छोडेका हुन् ।
जिल्ला सभापतिलाई राजीनामा पत्र बुझाउँदै उनले विशेष कारणबस् राजीनामा दिनुपरेको बताएका छन् । ‘विभिन्न कारणले गर्दा म वडा सभापति जितबहादुर हरिजनले पदबाट राजीनामा दिएको जानकारी गराउँदछु’,राजीनामा पत्रमा उल्लेख छ ।
हरिजन रास्वपाको प्रथम वडा अधिवेशनबाट वडा नम्बर १३ को सभापति पदमा निर्वाचित भएका थिए । रास्वपाको बागमती प्रदेश उपसभापति दिनेश हुमागाईँले हिजो साधारण सदस्यसमेत नरहनेगरी पार्टीबाट राजीनामा दिएका थिए ।
