काठमाडौँ । बितेको २४ घण्टाको अवधिमा काठमाडौं, गोरखा र भक्तपुरमा तीन जना मृत अवस्था फेला परेका छन् ।
प्रहरी प्रधान कार्यालयका अनुसार काठमाडौं महानगरपालिका–७, गौरीघाट सेन्टलरेन्ज कलेज नजिकै खाली जग्गामा अन्दाजी ६० वर्षीय पुरूष सोमबार मृत अवस्थामा फेला परेका छन्।
यसैगरी गोरखाको गण्डकी गाउँपालिका-४ दिपा पहरास्थित बुढीगण्डकी नदीमा अन्दाजी ४० वर्षीया महिला आइतबार मृत अवस्थामा फेला परेकी छिन्।
भक्तपुरको भक्तपुर नगरपालिका-६ डेकोचा पनि बस्ने ४२ वर्षीय प्रकाश नेपाली आफ्नै घरमा मृत अवस्थामा फेला परेका छन्।
प्रहरीले यी घटनाका सम्बन्धमा आवश्यक अनुसन्धान गरिरहेको जनाएको छ।
