वीरगन्ज । रौतहटमा आज बिहान शङ्कास्पद वस्तु फेला परेको छ । रौतहटको राजपुर नगरपालिका वडा नम्बर-५ पानीटंकी नदीको गलीमा शङ्कास्पद वस्तु फेला परेको रौतहट प्रहरीले जनाएको छ ।
पानीटंकी नदीको सडकछेउमा शङ्कास्पद वस्तु ड्रम राखिएको रौतहट प्रहरी प्रमुख एसपी सिताराम रिजालले बताए । उनका अनुसार ग्रामीण सडक किनारमा बेवारिसे अवस्थामा रहेको ड्रम देखेपछि स्थानीयले प्रहरीलाई जानकारी गराएका थिए ।
त्यसलगत्तै प्रहरीको टोली घटनास्थलमा पुगेको उनको भनाइ छ । ड्रममा भेटिएको शङ्कास्पद वस्तु माटोको थुप्रो रहेको रौतहट प्रहरीले जानकारी दिएको छ ।
गौर पुरेनवास्थित नारायण दल गणबाट नेपाली सेनाको बम डिस्पोजल टोली डिस्पोज गर्दा माटोको थुप्रो भेटिएको प्रहरीले जनायो ।
