काठमाडौँ । देशका विभिन्न स्थानमा ४ जना मृत फेला परेका छन् । रूपन्देहीको देवदह नगरपालिका-१० चरङ्गे रम्भादेवी टोलस्थित चरङ्गे खोलामा सोही ठाउँ बस्ने ६१ वर्षीय केशव सिंह गाहा शुक्रबार मृत अवस्थामा फेला परेका हुन् ।
यसैगरी कालिकोटको तिलागुफा नगरपालिका-१ मालिका सामुदायिक वनमा सोही ठाउँ बस्ने ४३ वर्षीय गोरे बोगटी शनिबार मृत अवस्थामा फेला परेका छन् । झापाको झापा गाउँपालिका-७ झाङगा टोल बस्ने धन बहादुर कार्कीको घरमा विगत १२ वर्षदेखि काम गर्दै आएका सोही गाउँपालिका-८ डाँगिबारी बस्ने ६८ वर्षीय तेज बहादुर माझी घर नजिक रहेको गोठमा शनिबार मृत अवस्थामा फेला परेका छन् ।
यता धादिङको गंगाजमुना गाउँपालिका-७ अधेरीखोलास्थित गोरेटो बाटोमा सोही ठाउँ बस्ने कास्की घर भएका २९ वर्षीय सोम पौडेल शनिबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।
