काठमाडौँ । बैंकिङ प्रणालीमा अधिक तरलता थुप्रियसँगै नेपाल राष्ट्र बैंकले ३५ अर्ब रुपैयाँ तरलता प्रशोचन गर्ने भएको छ । केन्द्रीय बैंकले बिहीबार निक्षेप संकलन बोलकबोल मार्फत ७ दिनका लागि ३५ अर्ब रुपैयाँ प्रशोचन गर्ने भएको हो ।
पछिल्लो समय बैंकिङ प्रणालीमा निक्षेप (डिपोजिट) बढिरहेको तर सोही अनुसार कर्जा माग नहुँदा तरलता थुप्रिरहेको छ ।
केन्द्रीय बैंकको पछिल्लो तथ्यांक अनुसार वैशाख २४ गतेसम्म बैंक तथा वित्तीय संस्थाहरूले ६१ खर्ब ७१ अर्ब निक्षेप संकलन गर्दै यता ५१ खर्ब १० अर्ब कर्जा लगानी गरेका छन् ।
समीक्षा अवधिमा ८०.५४ प्रतिशत कर्जा निक्षेप अनुपात (सीडी रेसियो) कायम गरेका बैंकहरुसँग ५ खर्बभन्दा बढी लगानीयोग्य रकम रहेको छ ।
