काठमाडौँ । काठमाडौँ महानगरपालिकाले टी–२० विश्वकप क्रिकेट अन्तरगत शनिबार हुने नेपाल र साउथ अफ्रिकाबिचको खेल दुई स्थानमा सर्वसाधारणलाई देखाउने व्यवस्था मिलाएको छ ।
महानगरपालिकाले सानो गौचरण, हाँडिगाउँ र चाबहिल गणेशस्थान फुटबल ग्राउण्डमा क्रिकेटको सो खेल प्राजेक्टरमार्फत देखाउने व्यवस्था मिलाएको हो ।
वेस्ट इन्डिजमा हुने उक्त खेल बिहान ५ बजेर १५ मिनेटदेखि सुरु हुनेछ । यसअघि नेपालको पहिलो खेल पनि महानगरले राजधानीका तीन स्थानमा लाइभ देखाएको थियो ।
