रगतमा चिनीको मात्रा बढ्ने वा घट्ने दुवैलाई खतरनाक मानिन्छ। चिनीको मात्रा लामो समयसम्म बढ्दा आँखा, मुटु र मृगौलामा गम्भीर असर पर्न सक्छ । मधुमेहका बिरामीलाई प्रायः चिनीको मात्रा बढी हुने समस्या हुन्छ । त्यसैगरी चिनीको मात्रा कम हुनुले पनि धेरै समस्या निम्त्याउन सक्छ । जसका कारण व्यक्ति कोमामा जाने खतरा हुन्छ ।
विज्ञहरूका अनुसार यदि कसैको चिनीको मात्रा प्रायः ७० मिलीग्राम/डेसीएलभन्दा कम हुन्छ भने त्यसलाई कम चिनी मानिन्छ। यसलाई हाइपोग्लाइसेमिया भनिन्छ। यसले स्वास्थ्यको लागि गम्भीर खतरालाई संकेत गर्छ।
चिनीको मात्रा कम हुनु कति खतरनाक ?
स्वास्थ्य विज्ञहरूका अनुसार हाइपोग्लाइसेमिया हुँदा उपचार गरिहाल्नुपर्ने हुन्छ । किनभने, यस्ताे अवस्थामा समयमै उपचार नपाए काँप्ने, बङ्गारा कडा हुने, नबुझ्ने र कोमामा जाने खतरा हुन्छ। यही कारणले गर्दा मधुमेहका बिरामीहरूलाई नियमित रूपमा चिनी जाँच गराउन सल्लाह दिइन्छ।
हाइपोग्लाइसेमियाको कारण
हाइपोग्लाइसेमिया तब हुन्छ जब रगतमा चिनीको स्तर शारीरिक रूपमा काम गर्न धेरै कम हुन्छ। ग्लुकोज हाम्रो शरीरको ऊर्जाको मुख्य स्रोत हो। अत्याधिक मधुमेह औषधि वा इन्सुलिनको साथमा अन्य चिनी घटाउने उपायहरू लिँदा हाइपोग्लाइसेमिया हुन सक्छ।
खाली पेटमा धेरै रक्सी पिउनाले अचानक चिनीको मात्रा घट्छ । यदि कुनै रोगको कारणले शरीरमा इन्सुलिन अत्यधिक मात्रामा उत्पादन हुन थाल्यो भने हाइपोग्लाइसेमिया हुन सक्छ।
चिनी कम हुँदाका लक्षण
बेचैनी, पसिना
अनियमित वा बढेको मुटुको धडकन
शरीरमा थकान, चिडचिडापन, झनझन वा सुन्निने
भ्रम, असामान्य व्यवहार, बोल्न समस्या
धमिलो दृष्टि
चिनी कम हुँदा के गर्ने ?
स्वास्थ्य विज्ञहरूका अनुसार हाइपोग्लाइसेमियाको अवस्था सही समयमा नबुझेमा व्यक्तिलाई कम्पन हुन थाल्छ, कोमामा जान सक्छ, ज्यानसमेत जान सक्छ।
यस्तो अवस्थामा चिनीको मात्रा अचानक घट्यो भने तुरुन्तै १५ देखि २० ग्राम फास्ट एक्टिंग कार्बोहाइड्रेट वा मीठो बिस्कुट खुवाउनुपर्छ । यसबाहेक फलफूलको जुस, सोडा, मह वा मीठो क्यान्डी पनि चिनी बढाउन उपयोगी हुन्छ ।
अलिकति आराम हुनेबित्तिकै बिरामीलाई चिकित्सककहाँ लैजानुपर्छ । एजेन्सीबाट
