काठमाडौं । नेकपा (एमाले)ले महेश बर्तौलालाई मुख्य सचेतक बनाएको छ । सचेतक रहेका उनलाई मुख्य सचेतकमा बढुवा गरिएको एमाले स्रोतले जानकारी गराएको छ ।
सचेतकमा सुनिता बराललाई चयन गरिएको छ । मुख्य सचेतक यसअघि पदम गिरी थिए । उनी नयाँ गठबन्धन सरकारमा मन्त्री बनेपछि बर्तौलालाई मुख्य सचेतक बनाइएको हो ।
उनको बढुवा भएपछि रिक्त स्थानमा बराललाई सचेतकमा नियुक्त गरिएको स्रोतले जानकारी गरायो ।
