पर्वत । पर्वतको जलजला गाउँपालिका–२ राममन्दिरमा गए राति दुई जनाको हत्या भएको छ । म्याग्दीको बेनी नगरपालिका–९ गलेश्वर बजारदेखि कालीगण्डकी पारी एक दम्पतीको वीभत्स हत्या भएको हो ।
सूर्यबहादुर क्षेत्री र उनकी श्रीमती कमला जिसीको धारिलो हतियार प्रहार गरी हत्या भएको अवस्थामा बिहान शव भेटिएपछि स्थानीयवासीले प्रहरीलाई खबर गरेका थिए ।
पर्वतबाट प्रहरी टोली घटनास्थलमा पुगेको छ । एकान्त ठाउँमा रहेको सो घरमा सूर्यबहादुर र उनकी श्रीमती मात्रै बस्थे । लुटपाट गरेर हत्या गरेको हुन सक्ने प्रहरीको प्रारम्भिक अनुमान छ । घटनास्थलमा प्रहरी टोलीले अनुसन्धान थालेको छ । जनप्रतिनिधि र प्रहरीको साथै मृतकका आफन्तहरू घटनास्थलमा जम्मा भएका छन् ।
