धनगढी,माघ ३। दार्चुलामा बस र जिप एकआपसमा ठोक्किएर दुर्घटना भएको छ।
दार्चुलाको मालिकार्जुन गाउँपालिका–८ थकतोलीमा आज बिहिवार बिहान बस र जिप आपसमा ठोक्किएर दुर्घटना भएको प्रहरीले जनाएको छ।
जिल्ला प्रहरी कार्यालय, दार्चुलाले ना ८ ख ६१३१ नम्बरको बस र सदरमुकामबाट गोकुलेश्वर जाँदै गरेको से १ ज १११० नम्बरको जिप एक आपसमा ठोक्किएका बताएको छ।
दुर्घटनाबाट मानवीय क्षति भएको छैन। बस र जिपमा सामान्य क्षति भएको प्रहरीले बताएको छ।सो सम्बन्धमा थप अनुसन्धान भैरहेको छ ।
