काठमाडौं । नेपाल प्रहरीका अतिरिक्त महानिरीक्षक (एआईजी) रवीन्द्र केसीले राजीनामा दिएका छन् ।
आउँदो चैत ५ गतेसम्म सेवा अवधि रहेका उनले करिब ४० दिन अगावै राजीनामापत्र बुझाएका हुन् ।
उनको राजीनामापत्र आगामी मन्त्रिपरिषद् बैठकमा पेस हुनेछ र स्वीकृत गरेपछि उनी अवकाशमा जानेछन् ।
प्रहरी प्रधान कार्यालयको प्रदेश समन्वय विभागमा कार्यरत उनलाई गत २६ पुसको मन्त्रिपरिषद् बैठकले एआईजीमा बढुवा गरेको थियो ।
