बैंकक । थाइल्याण्डमा सुरु भएको डीपी वर्ल्ड महिला एसिया कप राइजिङ स्टार्स २०२६ प्रतियोगिताको पहिलो खेलमा पाकिस्तान ए ले नेपालसामु जितका लागि १ सय ३८ रनको लक्ष्य प्रस्तुत गरेको छ । टस हारेर पहिले ब्याटिङ गरेको पाकिस्तानले निर्धारित २० ओभरमा ६ विकेटको क्षतिमा १ सय ३७ रन बनाएको हो ।
पाकिस्तानका लागि कप्तान हाफ्सा खालिदले सर्वाधिक ४० रनको योगदान दिइन् । उनले ३९ बलमा २ चौका १ छक्का प्रहार गरिन् ।
त्यस्तै, वाहिदा अख्तरले १५ बलमा २३ रन जोडिन् । उनले ५ चौका प्रहार गरिन् । हुरैना सज्जादले १७ रन तथा सावाल जुल्फिकरले १० रनको योगदान दिइन् ।
नेपालका लागि कविता कुँवरले शानदार बलिङ गर्दै २ ओभरमा १० रन खर्चेर २ विकेट लिइन् । मनिषा उपाध्याय, रिया शर्मा, सीता राना मगर र रुविना क्षेत्रीले १–१ विकेट हात पारिन् ।
