न्यूकासलसँग आर्सनल पराजित भएको छ।
शनिबार बेलुका भएको खेलमा न्यूकासलले आर्सनललाई १-० गोलले पराजित गरेको हो।
१२ औं मिनेटमा अलेक्जेन्डर इशाकले गरेको गोल निर्णायक बन्दा न्यूकासल विजयी भएको थियो।
दसौं खेलमा पराजित भएको आर्सनल अंक तालिकामा तेस्रो स्थानमा छ। उसले ५ जित,३ बराबरी र २ हारबाट १८ अंक जोडेको छ।
चौथो स्थानको एस्टन भिल्लाको पनि १८ अंक छ। उसले एक खेल कम खेलेको छ।
आर्सनललाई पराजित गरेको न्यूकासल आठौं स्थानमा छ। उसले १० खेलबाट ४ जित, ३ बराबरी र ३ हारसहित १५ अंक बनाएको छ।
लिगको शीर्षस्थानमा म्यानचेस्टर युनाइटेड छ। उसले ९ खेलबाट २३ अंक जोडेको छ।
समान खेलबाट २२ अंक जोडेको लिभरपुल दोस्रो स्थानमा छ।
