काठमाडौँ । सानेपा बागमती खोला छेउ पर्ने टेकु दोभान नजिकैको पुलमुनि हरेक महिना पानी जमिरहने समस्या छ । चाहे बर्खाको समय होस् या हिउँदको, यो क्षेत्रमा सधैंजसो पानी जम्ने गरेको छ । हाल पनि उक्त स्थानमा पानी जमेको अवस्था छ ।
आइतबार साँझ सोही स्थानमा क्याम्पसको बस पानीमा फसेको छ । बसमा रहेका विद्यार्थी र चालकलाई सकुशल बाहिर निकालिएको छ । यो स्थानमा पानी जम्ने समस्या हरेक वर्ष देखिने गरेको छ ।
त्यहाँ पुलमुनि धेरै सवारीसाधन फस्ने गरेका घटनाहरू पटक–पटक दोहोरिइरहेका छन् । यो क्षेत्र ललितपुर महानगरपालिकाको अन्तर्गत पर्दछ । तर, महानगरपालिकाले अहिलेसम्म यस समस्याको समाधानका लागि कुनै प्रभावकारी कदम उठाएको पाइएको छैन ।
स्थानीय बासिन्दाहरूले यस विषयमा महानगरको ध्यानाकर्षण गराउँदै समस्या समाधानका लागि तत्काल कदम चाल्न आग्रह गरेका छन् ।
