काठमाडौँ । प्रतिनिधिसभाका सदस्य एकनाथ ढकाल संयुक्त राज्य अमेरिका प्रस्थान गरेका छन् ।
सांसद ढकाल अमेरिकी राष्ट्रपति डोनाल्ड ट्रम्पको शपथ ग्रहण समारोहमा सहभागी हुन अमेरिका प्रस्थान गरेका हुन् ।
यही जनवरी २० तारिकमा अमेरिकाको वाशिङ्गटन डिसीमा आयोजना हुने अमेरिकन राष्ट्रपति डोनाल्ड ट्रम्पको शपथ ग्रहण कार्यक्रममा सहभागी हुन अमेरिका प्रस्थान गरेको उनको सचिवालयले जनाएको छ । सांसद ढकालसँगै उनकी पत्नी ब्लेसी गाडन ढकाल पनि अमेरिका प्रस्थान गरेकी छन् ।
पूर्वमन्त्री समेत रहेका सांसद ढकाललाई नेपाल परिवार दलका वरिष्ठ उपाध्यक्ष विनोद डाँगी, महामन्त्री प्रकाशबाबु थापा साथै केन्द्रीय सदस्यहरू निला श्रेष्ठ, कामना भुसाल, अधिवक्ता बिष्णु गिरी लगायतले त्रिभुवन अन्तर्राष्ट्रिय विमानस्थलमा बिदाइ गरेका थिए ।
