राष्ट्रिय स्वतन्त्र पार्टी (रास्वपा) का सभापति रवि लामिछानेको पत्नी निकिता पौडेलले रवि लामिछानेमाथि भएको अन्यायमाथि आवाज उठाउन आग्रह गरेकी छिन्।
शुक्रबार सामाजिक सञ्जाल फेसबुकमा लेख्दै उनले लामिछानेमाथि चरम अन्याय भएको र त्यस विरुद्ध आवाज उठाउन आग्रह गरेकी हुन्।
उनले लेखेकी छिन्, ‘मेरो श्रीमान् भन्नुहुन्छ,’चितवनमा देवता र देवताजस्ता मान्छे बस्छन्।’ देवभूमि चितवनबाट म आफ्नो श्रीमानको न्यायका लागि भोलि हस्ताक्षर अभियानमा सहभागी हुँदै छु। कुनै समय थियो- जस्तो दुःख, आपत्, अन्यायमा परे पनि देशका कुना-काप्चादेखि विदेशबाट समेत तपाईँहरू रवि लामिछानेलाई सम्झनुहुन्थ्यो। उहाँले पनि सक्दो गर्नुभएकै हो। आज स्वयं रवि लामिछानेमाथि चरम अन्याय भएको छ। त्यस विरुद्ध आवाज उठाउने पालो अब चाहिँ तपाईँहरूको।’
