काठमाडौं । सन्दीप लामिछानेविरुद्धको मुद्दामा बहस नोट माग्ने विषयमा छलफल भएको छ । काठमाडौं जिल्ला अदालतका न्यायाधीश केशवप्रसाद घिमिरेले बहस नोट माग्ने विषयमा छलफल गरेपनि कुनै आदेश भने भइनसकेको एक कानून व्यवसायीले जानकारी दिए ।
‘कानून व्यवसायीले आफ्ना कुराहरु लेखेर दिएपछि चाँडो बहस सक्न सजिलो हुन्छ भन्ने हिसाबले बहस नोट माग्न खोजेको देखिन्छ’, एक कानून व्यवसायीले भने । बहसलाई छोट्याउन न्यायाधीशले बहस नोट माग्ने गर्छन् ।
बहस नोट माग्ने आदेश भएको अवस्थामा आगामी पेशी अन्य न्यायाधीशको इजलासमा पर्ने सम्भावना पनि रहने छ ।
