काठमाडौं, २१ फागुन । राष्ट्रिय स्वतन्त्र पार्टी सरकारमा सहभागी हुने अन्तिम तयारीमा जुटेको छ । यसअघि सभापति रवि लामिछाने नै सरकारमा जाने भनिएको थियो ।
तर, सत्ता गठबन्धनमा मन्त्रालयको भागबण्डा पनि टुँगो नलागेको कारण रास्वपाबाट पहिलो लटमा उपसभापति डिपी अर्यालले शपथ खाने भएका छन् । यसअघि पनि रास्वपा सरकारमा जाँदा उनी श्रममन्त्री बनेका थिए ।
नयाँ गठबन्धनको निर्णायक बैठक आज दिउँसो ३ बजेको लागि तय भएको छ । सो बैठकले मन्त्रालय भागबण्डामा लिखित सहमति गर्ने भनिएको छ ।
