धनगढी । धनगढीमा समिट एयरको जहाज ग्राउन्डेड गरिएको छ ।
सोमबार धनगढीबाट बझाङका लागि उड्नै लागेको समिट एयरको जहाजको दुबै तिरको पंखा नजिकबाट इन्धन चुहिएको देखिएपछि इन्जिन बन्द गरेर जहाजलाई ग्राउन्डेड गरिएको हो ।
जहाजमा इन्धन चुहिएको कुरा यात्रुले थाहा पाएपछि एयर होस्टेजलाई जानकारी गराएका थिए ।
लगत्तै उक्त जानकारी चालक दलका सदस्यलाई दिइएपछि ग्राउन्डेड गरिएको विमानस्थल कार्यालयले जनाएको छ ।
