काठमाडौं, ५ जेठ । प्रधानमन्त्री पुष्पकमल दाहालले संसद्को अवरोध हटाउनको लागि सक्रियता बढाएका छन् । प्रमुख प्रतिपक्षी दल नेपाली कांग्रेसका नेताहरुसँगको आज विहानको छलफल सकारात्मक दिशामा अघि बढेको बताईएको छ ।
कांग्रेस नेताहरुसँगको भएको छलफलको प्रगतिबारे ब्रिफिङ गर्न अहिले प्रधानमन्त्री दाहालले एमाले अध्यक्ष केपी शर्मा ओलीसँग छलफल गरेका छन् । बालुवाटारमा सुरु भएको भेटवार्तामा सभामुख देवराज घिमिरेपनि मिसिएका छन् ।
केहीबेरमा उपप्रधान एवम् गृहमन्त्री रवि लामिछानेपनि वार्तामा सरिक हुने बताईएको छ । सभामुख घिमिरेले कांग्रेसका सभापति शेरबहादुर देउवासँग पनि भेट्ने बताईएको छ । सहकारी ठगी प्रकरणमा संसदीय छानबिन समिति बनाउनुपर्ने कांग्रेसको माग छ । file photo
