बुटवल । लुम्बिनी प्रदेश सभाको ६ महिनापछि बसेको बैठक ६ मिनेटमा सकिएको छ । प्रदेशसभाको तेस्रो अधिवेशनको पहिलो बैठक ६ मिनेट नपुगी सकिएको हो ।
शुक्रबार बिहान बसेको कार्यव्यवस्था परामर्श समितिको बैठकमा संसदीय दलको तर्फबाट बोल्ने कार्यक्रम नराख्ने सहमति अनुसार बैठकको समय छोट्टिएको प्रदेशसभा सचिव दुर्लभकुमार पुन मगरले जानकारी दिए । प्रदेश सभाको अर्को बैठक शनिबार दिउँसो २ बजे बस्ने सभामुख तुलाराम घर्तीमगरले बताए ।
शनिबारको बैठकमा प्रधानमन्त्री पुष्पकमल दाहाल प्रचण्डले सम्बोधन गर्ने तयारी रहेको छ । शुक्रबारको बैठकमा सभामुख घर्तीमगरले प्रदेश प्रमुखले अधिवेशन आह्वान सम्बन्धी पठाएको पत्र पढेर सुनाएका थिए ।
