काठमाडौं । यस वर्षको एसईई नतिजा गएको वर्षभन्दा सुधार भएको राष्ट्रिय परीक्षा बोर्डले जनाएको छ । बोर्ड अध्यक्ष महाश्रम शर्माले माथिल्लो जीपीए ल्याउनेको संख्या बढेसँगै नतिजा सुधार भएको दाबी गर्छन् ।
‘नन ग्रेडेड’ हुने विद्यार्थीको संख्या बढे पनि धेरै विषयमा अनुत्तीर्ण हुनेको संख्या घटेको उनको भनाइ छ । यस वर्ष अघिल्ला वर्षहरूझैँ गणित विषयमा सबैभन्दा धेरै एक लाख ७७ हजार ९८५ विद्यार्थी नन ग्रेडेड भएका छन् ।
अंग्रेजीमा एक लाख एक हजार ३८३, विज्ञानमा एक लाख २६ हजार ९३३, सामाजिकमा ७३ हजार ८७७ र अर्थशास्त्रमा ६९ हजार ४१६ विद्यार्थी नन ग्रेडेड भएको शर्माले बताए ।
