काठमाडौं । वैदेशिक रोजगारीका नाममा युवाहरूलाई युके पठाइदिने प्रलोभन देखाई ४३ लाख रुपैयाँ ठगी गरेको आरोपमा एक युवक पक्राउ परेका छन् ।
पक्राउ पर्नेमा पोखरा महानगरपालिका–१४ घर भएका २९ वर्षीय वसन्त कार्की रहेका छन् ।
काठमाडौं उपत्यका अपराध अनुसन्धान कार्यालयको टोलीले उनलाई नयाँ बानेश्वरबाट पक्राउ गरेको हो ।
प्रहरीका अनुसार कार्की ईडीयू सर्च नेपाल नामक संस्थाका सञ्चालक हुन् । उनले हालसम्म कम्तीमा ८ जना युवाबाट ४३ लाख रुपैयाँ उठाएको पाइएको छ ।
प्रहरीले पक्राउ परेका कार्कीलाई थप अनुसन्धान र कारबाहीका लागि वैदेशिक रोजगार विभागमा पठाएको जनाएको छ ।
