काठमाडौं । देशका विभिन्न स्थानमा तीन जनाको शव फेला परेको छ।
कास्कीको पोखरा महानगरपालिका-४ फिर्के पुल नजिकै डेरा गरी बस्ने सोही महानगरपालिका-१८ साराङकोट घर भएका ४५ वर्षीय सुरेन्द्र नेपाली आफ्नै कोठामा आइतबार मृत अवस्थामा फेला परेका छन्।
रूपन्देही, सैनामैना नगरपालिका-१० पानबारीस्थित कंचनखोलाको पक्की पुलमुनी सोही ठाउँ बस्ने ६५ वर्षीय मन बहादुर बुढाथोकी आइतबार मृत अवस्थामा फेला परेका छन्।
भोजपुर, अरूण गाउँपालिका-१ रातमाटे टोल बस्ने ६३ वर्षीय दुर्गा बहादुर तामाङ आफ्नै घर नजिकै खोल्सामा आइतबार मृत अवस्थामा फेला परेका छन्। यस सम्बन्धमा प्रहरीले आवश्यक अनुसन्धान गरिरहेको जनाएको छ।
