रुकुम । रूकुम पश्चिम बाफिकोट–२ लामाचोकका १३ वर्षीय डिल्ली नाथ सोमबारदेखि बेपत्ता भएका थिए।
मंगलबार खोल्सामा उनको शव भेटिएको छ।
प्रहरीका अनुसार स्थानीय १९ वर्षीय नातेदारले चोरी गरेको आरोप लगाएर ढुंगा र चक्कु प्रहार गरी हत्या गरेका हुन्।
घटनालाई दुर्घटना देखाउन डिल्लीको साइकल पनि खोल्सामा फ्याँकिएको थियो।
हत्या गरेको अभियोगमा सो किशोरले प्रहरीसमक्ष स्वीकारेका छन्। प्रहरीले थप अनुसन्धान अघि बढाएको छ।
