बिलासपुर । हिमाचल प्रदेशको बिलासपुरमा एउटा निजी बस पहिरोको चपेटामा पर्दा बसमा सवार १८ जनाको मृत्यु भएको छ।
यो दुर्घटना मंगलबार साँझ करिब साढे ६ बजे बालूघाटनजिक भएको हो।
बस मरोटनबाट घुमारवी जाँदै गर्दा पहाडबाट अचानक पहिरोको लेदो खसेर बसलाई पुरेको थियो। भारतीय सञ्चारमाध्यमका अनुसार अचानक खसेको पहिरोकोका कारण बस पूर्ण रूपमा दबिएर खोलाको किनारमा खस्यो। बसभित्रका सबै यात्रु लेदोले पुरिए।
समाचार तयार पार्दासम्म बसभित्रबाट १८ जनाको शव निकालिसकिएको छ। उद्धार र राहत कार्य तीव्र गतिमा जारी छ।
यो भयानक दुर्घटनामा दुई बालिका र एक बालकलाई सुरक्षित रूपमा बचाइएको छ। तर, तीमध्ये एक बालिकाको आमाको भने दुर्घटनामा मृत्यु भएको छ।
उता, मुख्यमन्त्री सुखविंदर सिंह सुक्खूले घटनाप्रति गहिरो दुःख व्यक्त गरेका छन् र प्रभावित परिवारहरूलाई हर सम्भव सहयोग गर्ने आश्वासन दिएका छन्।
